لقيت ابويا مدفون في حمام بيته

لقيت ابويا مد.فون في حمام بيته واللي د.فنه كان اخر حد ممكن أتوقعه

وقبل ما نبدا الحكايه اعرفكم بنفسي انا

ياسمين عندي 28 سنه وكنت خارجه من المطبخ

وبقول ل جوزي

 

ياسمين

مصطفي بقولك اي انا نازله عند مامتك اشوفها عايزه حاجه ولا لا وبعدين هروح عند بابا شويه

مصطفي

انا بجد زهقت من موضوع بابكي ده هو كل شويه ابوكي هو انا اتجوزتك ب ابوكي ولا اي

ياسمين

اي طريقه الكلام اللي انت بتتكلم بيها دي وبعدين مانت عارف ان من يوم ما ماما

ماتت ومافيش حد بياخد باله من بابا

وانا البنت الوحيده واخويا شريف مش بيعرف

يعمل ليه حاجه

مصطفي

وانا مالي يعني المفروض يا حبيبتي اللي يشيل هم ابوكي هو اخوكي مش انا

ياسمين

وإنا مش هسيب ابويا ولو بجد الموضوع ده

مش عجبك كل واحد يروح ل حاله معنديش

مشكلة وبعدها لقيت حماتي دخلت وبتقول

الحما

نعم نعم يا حبيبتي هو انتي كنتي تطولي تتجوزي

ابني علشان تتكلمي معاه بالطريقه دي

انا لو منك ارمي عليها يمين الطلاق دلوقتي يا مصطفى

مصطفي

اي الكلام اللي بتقولي ده بس يا ماما مش هينفع عشان العيالبرضه يا ماما

ياسمين

اهو قالك عشان خاطر العيال ده حتى مقالتش كلمة حلوه ولا قالك دي عشان مراتي ولا حاجة لا قال عشان العيال

مصطفى

الله جرا ايه يا ياسمين هو انتي مفيش حاجة عجباكي خالص كده انا طلاق مش هطلق انتي سامعه ولا لا

ياسمين

خلاص يبقا انا لازم اروح اشوف بابا اللي ملوش حد غيري ده انا ماشية

وبعدها مشيت وامه قالت له

الحما

عيال اي اللي شايل همهم با حبيبي وده من أمتي يعني ان شاء الله بقا

مصطفي

انتي عارفه يا ماما ان انا مش هقدر على مصاريف في البيت لوحدي وهي بتساعدني في المصاريف دي وثاني حاجه لو فكرت ان اطلقها زي ما انت ما بتقولي هتاخد العيال وتطلب نفقه اجيب لها منين ساعتها

الحما

امال انت عايز ايه يا عين امك وهتفضل تستحمل الطريقه اللي هي بتتكلم معاك بيها ولا ايه

مصطفي

لا بس اطلع عينها علشان خاطر اخليها تتنازل عن كل حاجه انما اديها حاجتي لا طبعا ده يمكن يحصل الكلام ده وبعدها انا رحت عند بابا فتحت الباب ولقيته قاعد على كرسي متحرك وكان بعيط

الاب

كويس ي بنتي انك جيتي انا عملت حمام علي نفسي من بدري ومش عارف اعمل اي

ياسمين

حقك عليا يا سيد الناس انا عارفه ان انا تاخرت عليك النهارده بس عملت لك اكل هيعجبك قوي هدخل احط لك تاكل

الاب

والله يا ياسمين انا مش عايز اتعبك معايا ما ينفعش كل يوم تسيبي بيتك وتيجي عندي كده علشان خاطر ما اعملش مشاكل ما بينك وما بين جوزك الله يرحمها امك هي اللي كانت شايله كل همومي

ياسمين

مين قال لك يا بابا ان هو متضايق بالعكس والله ما تعرفش هو فرحان ازاي ان انا باجي لك

المهم إنا داخله جوا علشان خاطر اروق اوضتك

وبعدها لقيت اخويا دخل وقاله

شريف

بقى يا راجل يا مفتري تسحب النهارده 8000 جنيه من البنك وسحبتهم دول ازاي ان شاء الله وانت ما بتنزلش من البيت

الاب

اخص عليك يا شريف ايه طريقه الكلام اللي انت بتكلمني بيها دي في حد يكلم ابوه كده وبعدين يا ابني فلوسي وانا حر فيها اعمل فيها اللي انا عايزه اختك بصراحه شايلاني وشايف التليفون معاها ما كانش حلو قوي واشتريت لها تليفون جديد هديه

شريف

لا يا حبيبي تعمل الكلام ده لما تكون فلوسك

من البدايه انما دي كانت فلوس أمي

الله يسامحها بقي أنها كتبت ليك

كل حاجه وبعدها خرجت

ياسمين

انت ازاي تتكلم مع ابوك بالطريقه دي انت شكلك كده اتجننت يا واد انت ما تحترم نفسك يا اخي انت مش شايف حالتة عامله ازاي

شريف

ما بقاش الا الستات كمان هي اللي هتتكلم معانا ولا ايه بقول لك ايه يا بت انت امشي اطلعي بره مش عايزه اشوف وشك هنا ثاني

الاب

هو انت بتتحكم في بيتي ولا ايه لا ده انت اللي تطلع انت بره ومش عايز اشوف وشك في البيت ده ده بيتي وانا حر فيه

ياسمين

انت بتطردني يا شريف معقوله تعمل كده وانت يا بابا تليفون ايه بس ده اللي جبتهولي انا ما كنتش عايزه اي حاجه من الدنيا غير رضاك عليا وبس

شريف

اعمليهم عليا يا بت اعمليهم انا عارف ان انت عامله كل ده علشان خاطر تعرفي تاخدي فلوس منه واحده بتسيب شغلها وبيتها وبتيجي كل يوم علشان سواد عين ابوها ولا ايه فاكراني عبيط ياختي ولا اهبل وبريالة عشان أصدق الشويتين دول

الاب

اسمع يا واد انا حر في فلوسي وانا اعمل بيها اللي انا عايزه وانت يا شريف ملكش انك تقول لي اعمل ايه وما اعملش ايه انت سامع ولا لا

شريف

بقى كده طيب ماشي انا هوريك انا هعمل لك فيها ايه وبعدها مسكني من شعري واخذني لحد بيت جوزي وفتح مصطفي

مصطفي

ايه ده في ايه مالك انت ماسك البت دي كده ليه هي عملت لك ايه يا شريف عشان تعمل فيها كده

شريف

لو انت مش عارف تحكم على مراتك احكمها لك انا بقول لك ايه البنت دي ما تخرجش من البيت وما تروحش عند ابوها ثاني انت سامع ولا لا

مصطفي

والله العظيم بقول كده بس هي على طول بتغلطني عينيا الاثنين بس ما ترجعوش تشتكوا بقى لو مديت ايدي عليها

ياسمين

اه يا واطي اخص عليك طيب والله يا شريف لأوريك انت بتعمل فيا كده ده انا اختك الوحيده

شريف

طول ما انت عبيطه وسايبه ابوك يصرف فلوسه على الفاضي والمليان هعمل معاكي كده

ياسمين

والله العظيم انا ما اعرف ابوك بيودى الفلوس فين

شريف

وانا هعرف بقي يا ياسمين وانتي تخرجي منها خالص انتي سامعة

وبعدها مشي وشريف قال

مصطفى

انا عايزة اعرف اخوكي بيعمل معاكي كده ليه أن شاء الله وبعدين فلوس ايه دي اللي بيتكلم عنها

ياسمين

وانت بتسأل ليه انت كمان يا مصطفى مش كفايه سيبته يعمل فيا كده قدامك وانت كمان عايز تكمل يبقا متسالش

مصطفى

استغفر الله العظيم هو انتي لا كده عاجبك ولا كده عاجبك جرا ايه يا ياسمين هو انتي بتعملي كده ليه ما تلمي نفسك بقا

ياسمين

انا اصلا عيشتي معاك مبقتش عجباني خالص وسبني بقا في حالي

مصطفى

انا مش هسيبك انا هعملك الادب عشان تعرفي بس ان الله حق

وبعدها فضلت اتعامل معامله

وحشه من حماتي وجوزي