عودة الأمطار .. الأرصاد تكشف مفاجأة بشأن حالة الطقس في يوليو 2025
كشفت الهيئة العامة للأرصاد الجوية عن حالة الطقس ، اعتبارا من غد الثلاثاء 1 يوليو القادم، حيث تكشف أحدث الخرائط عن فرص ضعيفة لسقوط أمطار على جنوب سيناء والسواحل الشمالية الغربية وشمال الوجه البحرى على فترات متقطعة .
الطقس شديد الحرارة ورطبة خلال فترة النهار وتسجل درجة الحرارة أعلى معدلاتها والتى تكون محسوسة أكثر من المُعلنة في مناطق القاهرة الكبرى، الوجه البحري، جنوب سيناء وجنوب البلاد ، بينما تكون الأجواء أقل حدة على السواحل الشمالية مع طقس حار.
أما الطقس ليلا معتدل ورطب في معظم أنحاء البلاد.
تفاصيل حالة الطقس
حذرت خرائط الطقس من تكون شبورة مائية تظهر في الصباح على الطرق القريبة من المسطحات المائية والمناطق الزراعية، مما قد يقلل من الرؤية الأفقية، لذا ينصح بالحذر أثناء القيادة.
من المتوقع نشاط ملحوظ للرياح بين الحين والآخر، خاصة في مناطق الوجه البحري والسواحل الشمالية؛ ما قد يمنح تلك المناطق تحسن فى حالة الطقس وشعور أقل بدرجات الحرارة.
بالنسبة لحالة البحر المتوسط، توقع أن تكون حالته معتدلة إلى مضطربة، ما يجعل ارتفاع الأمواج يتراوح بين مترين إلى 3.5 متر، مع هبوب رياح شمالية غربية تزيد من هذا الاضطراب قليلاً.
ما في البحر الأحمر، فتبدو الأمور أكثر استقراراً مع حالة خفيفة إلى معتدلة، حيث يتراوح ارتفاع الموج بين متر و1.5 متر فقط، والرياح ستكون جنوبية غربية.
هل تتأثر مصر بحالة الطقس في ليبيا بالسيول والعواصف؟
متى كان انتهاء فصل الشتاء مؤخراً؟
ما هي حالة الطقس الأخيرة في السعودية؟
هل ستنحسر فرص سقوط الأمطار الأسبوع القادم من ديسمبر 2024؟
هل توجد فرص سقوط أمطار متفاوتة الشدة في مارس 2025
زلاز,,ل وعواصف وكوارث طبيعية مرعبة.. هل مصر مهددة بموجات تسونامي؟! وأيه بالظبط اللي بيحصل في البحر المتوسط؟!
من كام ساعة فاتوا، انتشر فيديو لقبطان بحري شاب بيقول حاجات مخيفة…
البحر المتوسط فيه حاجات غريبة وغير مسبوقة بتحصل دلوقتي تحت سطحه وفي القاع، والحاجات دي مأثرة على حرارته وعلى حركة المية والموج ومسببة اضطرابات كبيرة، وكمان ممكن تتسبب في كوارث طبيعية ضخمة خلال الساعات والأيام اللي جاية!
طب يا ترى أيه مدى صحة الكلام ده، وهل هو حقيقي فعلًا؟ والموضوع كله بدأ منين وإمتى أصلًا؟!
️ هات بقى كوباية شايك الحلوة ونعناعك ف إيدك وتعالى معايا أحكيلك القصة اللي دايرة دلوقتي دي كلها من البداية، عشان تعرف الحقيقة فين…
(ملحوظة مهمة أوي: يا ريت تقرا البوست للآخر قبل ما ترد، عشان تفهم الحقيقة بعيد عن فيديوهات الهبد والكذب المنتشرة دلوقتي..)
شوف يا سيدي… إمبارح اللي هو يوم 29 يونيو 2025، البحر الأبيض المتوسط سجل أعلى متوسط درجة حرارة سطحية في تاريخه، وصلت لـ 26.01 درجة مئوية كاملين… وده بزيادة ما بين 3 لـ 5 درجات عن المعدلات الطبيعية!
البيانات دي تم تسجيلها من مراصد أوروبية منها مرصد “كوبرنيكوس Copernicus” للطقس، وأكدتها مراكز الطقس في الشرق الأوسط.. وبرغم ان الرقم ممكن يبانلك بسيط في الأول أو ممكن متستوعبوش، فخليني أقولك ان درجات الحرارة دي مش المفروض تحصل غير في مناطق استوائية!
والأخطر من ده كمان هو إن الموضوع مكانش في بقعة صغيرة، لأ ده الدرجات دي تم تسجيلها في حوض البحر كله.. وعايز أقولك كمان ان المناطق الغربية اللي ناحية بحر تيرّانيا اللي بيحده السواحل الفرنسية والإسبانية والإيطالية، كانت فوق المعدل بـ 4 درجات…
يعني الحرارة فيها وصلت لـ 29 درجة كاملين!
والمشكلة ان دي مش حاجة جديدة، ومش أول مرة تحصل… البحر المتوسط بقاله من أغسطس اللي فات، عمال كل شوية بيسجل أرقام قياسية محصلتش قبل كده من ساعة ما بدأنا أرشفة بيانات الأرصاد سنة 1982…
بس الفكرة هي إن في أي منطقة تانية، ممكن الحرارة دي تبقى مجرد رقم عادي وميكونش فيه مشكلة خالص… لكن في البحر المتوسط بالذات، الوضع مختلف وأخطر بكتير…
طب ليه؟!
السبب يا صديقي هو ان البحر المتوسط يعتبر بحر شبه مغلق، ومش زي باقي البحار والمحيطات التانية… وده معناه ان المية اللي فيه مش بتتغير كتير، ومفيش تبادل بيئي كبير بيحصل بينه وبين المحيط الأطلنطي… وعشان كده فهو بمجرد ما بيسخن؛ الحرارة بتفضل محبوسة جواه ومبتروحش بسهولة… وده بيخلق بيئة مثالية لكوارث طبيعية ومناخية مكانتش بتحصل قبل كده إلا بشكل نادر جدًا…
