ست نادية هو ايه اللي حصل لأولادك الأربعة

– ست نادية هو ايه اللي حصل لأولادك الأربعة مـ *ـاتوا ازاي وليه بتقولي مـ *ـاتوا عشان كنتي بتدعي عليهم؟
= كان فيه شعلة صغيرة كده عندنا وفيه حد ساكن معانا في البيت لقيناه بيقول في ريحة غاز عندكوا فجأة النـ *ـار بقت في كل حتة وحرقت عيالي الأربعة
– كان عندهم كام سنه؟
= سيد كان في أولى ثانوي ، وهدى كانت في تالتة اعدادي ، وإيمان كانت في أولى اعدادي ، وهند كانت في رابعة ابتدائي
– انتي بتقولي أنهم مـ *ـاتوا بسبب انك كنتي بتدعي عليهم
كنتي بتدعي عليهم ليه قولتي ايه؟
= كانوا بيضربوا بعض، كانوا أشقيا كنت بقولهم تطلعوا في خشبة واحدة انتوا الأربعة ، وربنا حقق الكلام مكنتش اعرف ان ربنا هيقبل الكلمتين دول ودلوقتي انا قاعدة تحت رجليهم في الحوش اللي هما فيه بشوفهم وبيجولي بيأكلوني ويشربوني ومهيصين معايا في الحوش
– يعني قاعدة في الحوش اللي هما أندفـ ـنوا فيه ، بس أنا عايز اعرف أنتي دعيتي عليهم ليه؟
= كانوا أشقيا وبيتعـ ـبوني قولتلهم يارب تطلعوا في خشبة واحدة انتوا الأربعة ، بس حقق ربنا مني وانا معرفش كان باب السما مفتوح وانا معرفش
– قال رسول الله صلّى الله عليه وسلّم ” لا تدعوا على أنفسكم ، ولا تدعوا على أولادكم ، ولا تدعوا على خدمكُم ، ولا تدعوا على أموالكُم ، لا تُوافقُوا من اللهِ تعالى ساعة نيْلٍ فيها عطاء فيستجيب لكم ”
= طيب ما أنا مكنتش عارفة ان ربنا هيقبل مني الدعوتين يعني انا كنت عارفة ان ربنا هيقبل مني ودعيت لا مكنتش عارفة والذنب بتاعهم اهو أنا عايشة معاهم وبنضفلهم الحوش بتاعهم وأرشه مياه وأحط مياه للعصافير ومخليها زي الجنة
– بس ده قدر ربنا متحمليش نفسك أكتر من طاقتها
= ما خلاص بقى مفيش حد أدعي عليه أدعي علي نفسي عشان اتحط معاهم بس ، بدعي علي نفسي إني أستريح وأنام معاهم ده اللي بطلبه من ربنا عشان أنا مش مستريحة من غيرهم 💔

بدعي على نفسي كل يوم… مش بإيدي، بس وجعي بيخليني أتمنى أكون جنبهم، حتى لو ده معناه إن روحي تسيب الدنيا دي. بطلب من ربنا راحة، مش راحة جسد، راحة قلب اتكسر من بعدهم.
بطلب منه يشوف دموعي اللي بتنزل وأنا لوحدي، يشوف الشوق اللي بيأكل فيا كل لحظة.
يمكن الناس شايفاني عايشة، بس أنا من غيرهم عايشة بنص قلب، بنص روح.

بقول:
يا رب، لو في الموت راحة ولمّة، خدني ليهم.
يا رب، إن كان في حضنك شفاء من الغربة دي، قرّبني منك ومنهم.
أنا مش قادرة أكمّل… الحياة بقت تقيلة، والفراغ جوايا مش بيعوّضه حد.

بس برجع وأقول:
يمكن يا رب مأجّل لمّة تانية…
يمكن بتختبر صبري، أو بتجمعني بيهم في مكان أحسن…
فاديني قوة، وطمّن قلبي، وخلّي دعائي يوصل ليهم…
يمكن لما يدعوا لي، أستريح وأنا لسه هنا…
ويمكن لما أضحك شوية، أحس بنسمة منهم حواليا.

بس مهما كان، قلبي عمره ما هينساهم.
اللهم اجمعني بهم في مستقر رحمتك يا رب.